ജില്ലാ കളക്ടർ

ഞാൻ എം. എസ്. മാധവിക്കുട്ടി, കേരള കേഡറിലെ 2018 ബാച്ച് ഇന്ത്യൻ അഡ്മിനിസ്ട്രേറ്റീവ് സർവീസ് (ഐ.എ.എസ്.) ഉദ്യോഗസ്ഥയാണ്. കൊല്ലം സ്വദേശിനിയായ ഞാൻ കേരളത്തിന്റെ ഭരണപരമായ പ്രവർത്തനങ്ങളിലും വികസന പ്രവർത്തനങ്ങളിലും വിവിധ ചുമതലകളിലൂടെ പങ്കാളിയായിട്ടുണ്ട്.

എറണാകുളം അസിസ്റ്റന്റ് കളക്ടർ, തിരുവനന്തപുരം സബ് കളക്ടർ, കോഴിക്കോട് ജില്ലാ വികസന കമ്മീഷണർ എന്നീ നിലകളിൽ ഞാൻ സേവനമനുഷ്ഠിച്ചിട്ടുണ്ട്. ആരോഗ്യ-കുടുംബക്ഷേമ വകുപ്പിൽ ഡെപ്യൂട്ടി സെക്രട്ടറിയായും സൈബർപാർക്കിന്റെ ചീഫ് എക്സിക്യൂട്ടീവ് ഓഫീസറായും പ്രവർത്തിച്ചിട്ടുണ്ട്. പാലക്കാട് ജില്ലാ കളക്ടറായി സേവനമനുഷ്ഠിച്ച ശേഷം 2026 മെയ് 25-ന് കോഴിക്കോട് ജില്ലാ കളക്ടറായി ചുമതലയേറ്റു.

സ്ത്രീകൾ, കുട്ടികൾ, ട്രാൻസ്‌ജെൻഡർ വിഭാഗക്കാർ, മുതിർന്ന പൗരന്മാർ എന്നിവരുടെ ക്ഷേമവും സുരക്ഷയും ഉറപ്പാക്കുന്നതിന് മുൻഗണന നൽകുന്നു. മൺസൂൺ മുന്നൊരുക്കങ്ങൾ, ദേശീയപാത വികസനം, മാലിന്യസംസ്‌കരണം, ജില്ലയുടെ സമഗ്ര വികസനം എന്നിവയും എന്റെ പ്രധാന പരിഗണനകളാണ്.

ജനങ്ങളോട് ഉത്തരവാദിത്വമുള്ള ഭരണസംവിധാനം, എല്ലാവരെയും ഉൾക്കൊള്ളുന്ന വികസനം, പൊതുജനക്ഷേമം എന്നിവയിൽ ഞാൻ വിശ്വസിക്കുന്നു. ജനങ്ങളുടെ പ്രശ്നങ്ങൾ പരിഹരിക്കുന്നതിനും സമൂഹത്തിലെ എല്ലാ വിഭാഗങ്ങളുടെയും ജീവിതനിലവാരം മെച്ചപ്പെടുത്തുന്നതിനും പ്രതിജ്ഞാബദ്ധമായി പ്രവർത്തിക്കുന്നു.